Gürcüstanda Bazalet gölündə ölkənin Müdafiə Nazirliyinin təyyarəsi qəzaya uğrayıb.
RBK -nın məlumatına görə, Gürcüstan Müdafiə nazirliyinin məlumatına əsasən, qəza nəticəsində 4 gürcü hərbi xidmətçisi həlak olub.
Müdafiə nazirinin müəvini Levan Nikoleişvilinin jurnalistlərə verdiyi məlumata görə, "hadəsəylə bağlı Yuxarı Abxaziyada Gürcüstan Hərbi Silahlı Qüvvələrinin hissələri kazarma rejiminə keçiriliblər ". Onun sözlərinə görə, təyyarə hərbi tapşırığı yerinə yetirərək ölkənin qərbinə uçub. Qənaətlərə görə, təyyarə hava durumu ilə əlaqədar qəzaya uğrayıb. Tədqiqat işləri aparılır.
Qeyd edək ki, bu gün axşam Yuxarı Abxaziya (Kodor dərəsi) top qurğularından atəşə tutulub. Gürcüstanın "Rustavi-2" teleşirkətinin məlumatına əsasən, dərənin bir neçə kəndində evlər, eyni zamanda yerli idarə və polis binası dağılıb. Atəş "Qrad" qurğusundan açılıb və 25 dəqiqə davam edib.
Trend-in ən mühüm və maraqlı xəbərlərini "Telegram"da izləyin
.jpg)
