Azərbaycan, Bakı, 3 may /Trend/
Xilasedicilər dəhşətli dağıdıcı zəlzələnin baş verdiyi Nepalda bu gün əsl möcüzə ilə üzləşib. Onlar öz evinin dağıntıları altında 8 gün ərzində qalan 105 yaşlı qoca kişini sağ taparaq xilas ediblər.
Trend-in xarici KİV-lərə istinadən verdiyi xəbərə görə, yerli polis Kimtanq kənd sakini Fançu Geyl adlı qocanın zəlzələ zamanı elə də ciddi xəsarət almadığını, amma dağıntılar altında 8 gün boyunca ac-susuz qaldığını bildirib. Qocanın yalnız əlləri ilə ayaqlarında yüngül sıyrıq və əziklər var. Onu hərbi vertolyotla fəlakət zonasından çıxararaq xəstəxanaya aparıblar.