Azərbaycan, Bakı, 27 iyun /Trend, müxbirlər Hüseyn Vəliyev, Ənvər Məmmədov/
Bakı çox gözəl şəhərdir və gələcəkdə bir çox iri idman yarışlarını qəbul edə bilər. Bunu Trend-ə Yunanıstan üzgüçüsü Aleksandros Xiarços deyib.
O bildirib: "Hesab edirəm ki, Bakı gələcəyin şəhəridir və o, iri idman tədbirlərini, o cümlədən Olimpiya Oyunlarını qəbul etməyə hazırdır".
Üzgüçü qeyd edib ki, Bakıda gələcəkdə keçiriləcək yarışlarda məmnunluqla iştirak etmək istərdi, çünki burada çoxlu yüksək keyfiyyətli idman obyektləri var.