Azərbaycan, Bakı, 15 dekabr /Trend/
Gürcüstan İctimai Televiziyası Bakıda keçiriləcək "Eurovision 2012" mahnı müsabiqəsi üçün milli seçim müsabiqəsi elan edir.
Trend-in məlumatına görə, İctimai kanal prodüser qruplarına, ifaçılara, musiqiçilərə və bəstəkarlara müsabiqədə iştirak etməyə imkan verir. Arzu edənlər müsabiqə mahnısı ilə yanaşı (CD), tərcümeyi-hal və foto da təqdim etməlidirlər.
Müsabiqə mahnısı xüsusi olaraq bu müsabiqə üçün gürcü və ingilis dillərində (3 dəqiqəlik) olmalıdır.
Ərizələrin qəbulu dekabrın 15-dən yanvarın 15-dək davam edəcək.
Xüsusi münsiflər heyəti ən yaxşılarını seçəcək və onları final konsertinə təqdim edəcək. Qalib əhali (SMS-in köməyi ilə) və səlahiyyətli münsiflər heyəti tərəfindən müəyyən ediləcək.