Azərbaycan, Bakı, 11 fevral /Trend, müxbir Məftun Salmanov/
Avstraliya ilk dəfə olaraq "Eurovision" mahnı müsabiqəsində iştirak edəcək. Trend-in xarici KİV-ə istinadən verdiyi məlumata əsasən, qitənin yarışda debütü bu ilin mayında Vyanada baş tutacaq.
Avropa Yayım İttifaqı müsabiqənin 60 illik yubileyi ilə əlaqədar Avstraliyanı dəvət etmək qərarına gəlib.
Bununla da mahnı müsabiqəsində iştirak edəcək ölkələrin sayı 40-a çatıb. Avstraliya sakinləri yarışın yarımfinallarında və finalında səs verə biləcəklər.