...

Qəbələdə VII Beynəlxalq Musiqi Festivalı keçiriləcək

Mədəniyyət Materials 29 İyun 2015 15:35 (UTC +04:00)
2009-2014-cü illərdə Heydər Əliyev Fondunun və Mədəniyyət və Turizm Nazirliyinin dəstəyi ilə Qəbələdə altı Beynəlxalq Musiqi Festivalı keçirilib.
Qəbələdə VII Beynəlxalq Musiqi Festivalı keçiriləcək

Trend-i buradan izləyin

Azərbaycan, Bakı, 29 iyun /Trend/

2009-2014-cü illərdə Heydər Əliyev Fondunun və Mədəniyyət və Turizm Nazirliyinin dəstəyi ilə Qəbələdə altı Beynəlxalq Musiqi Festivalı keçirilib. Bu festivallar ölkəmizdə və onun hüdudlarından kənarda böyük əks-səda doğurub. Festival konsertlərində görkəmli musiqiçilər, bədii kollektivlər, solistlər, dirijorlar iştirak ediblər.

Mədəniyyət və Turizm Nazirliyindən Trend-ə verilən məlumata görə, cari il 25-31 iyul tarixində Qəbələdə VII Beynəlxalq Musiqi Festivalının keçirilməsi planlaşdırılıb.

Festivalda Rusiya, Ukrayna, İtaliya, İspaniya, İsrail, Avstriya, Xorvatiya, Almaniyadan dünya şöhrətli musiqiçilər və kollektivlər - İtaliya Simfonik Orkestri, "Moskva virtuozları" Kamera Orkestri, Avstriya Vayner Akademiyasının Kamera Ansamblı, "Flamenko" ansamblı, "Dubrovnik Guitar Trio", Andrey Qavrilov, Oksana Yablonskaya, Cankarlo Pazolini, Janna Qandelman, Aleksandr Rojdestvenski, Jeremi Menuxin, Paul Meyer, Aleksandr Qindin, Taras Yaqopud və başqaları iştirak edəcəklər.

Məqalədə:
Xəbər lenti

Xəbər lenti