...

TürkPA: Parlament seçkiləri demokratik və beynəlxalq hüquqi normalara cavab verərək həyata keçirilib

Seçki 2015 Materials 2 Noyabr 2015 10:18 (UTC +04:00)
"Dünən Azərbaycanda keçirilən parlament seçkiləri beynəlxalq standartlara cavab verir və çox yüksək səviyyədə təşkil olunmuşdu".
TürkPA: Parlament seçkiləri demokratik və beynəlxalq hüquqi normalara cavab verərək həyata keçirilib

Trend-i buradan izləyin

Azərbaycan, Bakı, 2 noyabr /Trend, Azər Niftiyev/

"Dünən Azərbaycanda keçirilən parlament seçkiləri beynəlxalq standartlara cavab verib və çox yüksək səviyyədə təşkil olunmuşdu".

Bunu noyabrın 1-də Azərbaycanda keçirilmiş parlament seçkilərinin nəticələrinin yekunları ilə bağlı bu gün Hilton otelində keçirilən mətbuat konfransında TürkPA müşahidə missiyasının rəhbəri, qurumun iqtisadiyyat komitəsinin sədri Qazaxıstan parlamentinin deputatı Serikjan Kanayev deyib.

S.Kanayev bildirib ki, seçki öncəsi MSK sədri Məzahir Pənahovla görüşərək seçkilərə hazırlığın səviyyəsi ilə bağlı geniş fikir mübadiləsi aparıblar.

Onun sözlərinə görə, dünən TürkPA-dan olan müşahidəçilərlə birgə Səbail, Yasamal, Nəsimi, Binəqədi rayonlarında yerləşən seçki məntəqələrində müşhaidə aparıblar: "Müşahidələr zamanı məlum oldu ki, seçkilər çox demokratik və beynəlxalq hüquqi normalara cavab verərək həyata keçirilib".

Mətbuat konfransında TürkPA-dan olan nümayəndələr Jandos Asanov, Halil Ürün, Marat Tagimov, Saidulla Nişanov və Ahmet Öztürk iştirak ediblər.

Məqalədə:
Xəbər lenti

Xəbər lenti