...

Memarlar İttifaqı Heydər Əliyevin 95 illiyinə və AXC-nin yaranmasının 100 illiyinə həsr edilmiş plenum keçirib (FOTO)

Gündəm Materials 12 May 2018 14:54 (UTC +04:00)
Azərbaycan Memarlar İttifaqının İdarə heyəti Ümummilli Lider Heydər Əliyevin 95 illiyinə və Azərbaycan Xalq Cümhuriyyətinin yaranmasının 100 illiyinə həsr edilmiş plenum keçirib.
Memarlar İttifaqı Heydər Əliyevin 95 illiyinə və AXC-nin yaranmasının 100 illiyinə həsr edilmiş plenum keçirib (FOTO)

Trend-i buradan izləyin

Bakı. Ənvər Məmmədov - Trend:

Azərbaycan Memarlar İttifaqının İdarə heyəti Ümummilli Lider Heydər Əliyevin 95 illiyinə və Azərbaycan Xalq Cümhuriyyətinin yaranmasının 100 illiyinə həsr edilmiş plenum keçirib.

Trend-in məlumatına görə, əvvəlcə Memarlar İttifaqının İdarə heyətinin üzvləri Fəxri Xiyabanı ziyarət edərək Ümummilli Lider Heydər Əliyevin və akademik Zərifə Əliyevanın məzarları üzərinə əklillər və gül dəstələri qoyublar. Sonra plenum iştirakçıları Şəhidlər Xiyabanını ziyarət edib “Əbədi məşəl” xatirə abidəsinin önünə əklil qoyublar.

Plenum başlanmamışdan əvvəl qonaqlar "Four Seasons" otelinin “Segah” zalının foyesində təşkil edilmiş "Müasir Azərbaycan memarlığı” sərgisi ilə tanış olublar.

Plenumu salamlama sözü ilə açan Azərbaycan Memarlar İttifaqının İdarə heyətinin sədri, Respublikanın Əməkdar memarı Elbay Qasımzadə Heydər Əliyevin memarlıq sənətinin təbliğində və inkişafında böyük rolunu qeyd edib, Ümummilli Liderin memarlıq sənətinə olan münasibəti və sənətin incəliklərini dərindən bildiyi barədə danışıb.

Elbay Qasımzadə son illərdə şəhər və qəsəbələrimizin abadlaşdırılması, onların memarlıq simasının zənginləşdirilməsi istiqamətində Prezident İlham Əliyevin rəhbərliyi altında görülən işləri qeyd edib. Eyni zamanda o, YUNESKO-nun və İSESCO-nun xoşməramlı səfiri, ölkənin birinci vitse-prezidenti Mehriban xanım Əliyevanın ölkəmizin tarixi və memarlıq irsinin qorunması və bərpası işinə böyük diqqət ayırdığını vurğulayıb.

Sonra Azərbaycan Memarlar İttifaqının üzvlərinə milli memarlıq sənətinin inkişafında xüsusi xidmətlərinə görə "Mikayıl Useynov" xatirə medalı və "Ustad Memar" Peşəkarlıq Şəhadətnaməsi təqdim olunub.

Daha sonra “Heydər Əliyev və milli mədəni irsin qorunması” mövzusunda “Azərbərpa” Elmi-Tədqiqat Layihə institutunun direktoru, Respublikanın Əməkdar mühəndisi Telman Kərimlinin məruzəsi dinlənilib. Məruzə, Ümummilli Liderin memarlıq sənətinə göstərdiyi diqqət və qayğını əks etdirən slaydlarla müşayiət olunub.

“Azərbaycan Xalq Cümhuriyyətinin yaranmasının 100 illiyi” mövzusunda çıxış edən Azərbaycan Memarlar İttifaqının İdarə heyətinin üzvü Yusif İbrahimli öz məruzəsində AXC-nin yaranma tarixi və qısa fəaliyyəti ərzində gördüyü işlər barədə ətraflı danışıb.

Çıxışlardan sonra Azərbaycan Memarlar İttifaqının İdarə heyətinin sədri Elbay Qasımzadə bu ilin mart ayında Bakıda keçirilmiş Beynəlxalq Memarlar İttifaqının Büro iclasının yekunları barədə məlumat verdi və bunun nəticəsi olaraq 2019-cu ildə Bakıda Beynəlxalq Memarlıq Forumunun və BMİ-nin Baş Assambleyasının keçirilməsinin qərara alındığını elan edib. Sədr, bu tədbirin ölkəmizin inkişafında prioritet istiqamətlərdən olan tarixi irsin qorunub saxlanılması və turizmin inkişafı üçün mühüm əhəmiyyət daşıdığını vurğulayıb.

Sonda Plenumun Qətnaməsi oxunulub və qəbul olunub.

Məqalədə:
Xəbər lenti

Xəbər lenti