Bakı. Samir Əli, Zaur Mustafayev - Trend:
Türkiyədən gəlib burada bu möhtəşəm paradı seyr etmək çox xoşuma gəldi.
Bunu Trend-ə İstanbuldan gələn və paradı izləyənlər arasında olan Hava Mənteşi deyib:
"Parad çox xoşuma gəldi. Hər iki xalqın ordusunu burada seyr etmək məni məmnun etdi. Xalqınızın inkişafını görmək isə məni çox sevindirir. Yaşa, var ol, türk milləti!"
Türkiyə vətəndaşı söhbət əsnasında Bakının gözəlliyini də xüsusi vurğulayıb: "Bakı çox gözəl şəhərdir, dünyanın ən möhtəşəm şəhərləri ilə bir sırada dura bilər".
Qeyd edək ki, bu gün Bakının bolşevik-daşnak işğalından azad edilməsinin 100-cü ildönümü münasibətilə Azadlıq meydanında hərbi parad keçirilib.