Bakı. Ceyhun Ələkbərov - Trend:
Ötən gecə Bakıda bədbəxt hadisə baş verib.
Trend-in məlumatına görə, hadisə Nobel prospektində qeydə alınıb. Üzü şəhər istiqaməti ilə hərəkət edən "Mercedes E-class" markalı avtomobilinin sürücüsü qəfil halı pisləşib.
Şahidlərin sözlərinə görə, sürücü avtomobili saxlaya bilsə də, Təcili Tibbi Yardımı gözləyə bilməyib. Onun ürəyinin dayandığı bildirilir.
Hadisə yerinə Təcili Tibbi Yardım briqadası və Dövlət Yol Polisi əməkdaşları cəlb olunub.
Baş vermiş hadisə ilə bağlı araşdırma aparılır.