...

Bakıda qadını təhqir edən avtobus sürücüsü işdən çıxarıldı (FOTO)

Gündəm Materials 10 İyun 2020 17:59
Bakıda sərnişin qadını təhqir edən marşrut süerücüsünə xəbərdarlıq edilib. Bu barədə Trend-ə Bakı Nəqliyyat Agentliyindən məlumat verilib.
Bakıda qadını təhqir edən avtobus sürücüsü işdən çıxarıldı (FOTO)

Trend-i buradan izləyin

Bakı. Samir Əli - Trend:

Bakıda sərnişin qadını təhqir edən marşrut sürücüsü işdən kənarlaşdırılıb.

Bu barədə Trend-ə Bakı Nəqliyyat Agentliyindən məlumat verilib. Məlumatda bildirilir ki, fiziki şəxs Rövşən Salamovun müvəqqəti istismarında olan 55 nömrəli müntəzəm marşrut xətti üzrə (99 LF 648) avtobusunda sürücü Elmar İbrahimovun sərnişinə qarşı qeyri-etik davranışı ilə bağlı sosial şəbəkədə yayılan görüntülər araşdırılıb. Görüntülərdən də aydın olduğu kimi, sürücü avtobusu yüksək sürətlə idarə edir, buna etiraz bildirən sərnişinə qarşı qeyri-etik ifadələr işlədir, sükan arxasında telefonla danışaraq siqaret çəkir.

Daşıyıcı Rövşən Salamov və Elmar İbrahimov məsələ ilə bağlı izahat verilməsi üçün Agentliyə çağırılıb.

Hərəkətlərindən peşiman olduğunu bildirən sürücü Elmar İbrahimov sərnişinlərdən üzr istəyib. Daşıyıcının müvafiq əmri ilə Elmar İbrahimov işdən azad edilib. Həmçinin, Bakı Nəqliyyat Agentliyi tərəfindən Daşıyıcı Rövşən Salamova bu cür xoşəgəlməz halların təkrarlanmaması ilə bağlı ciddi xəbərdarlıq edilib.

"Bir daha bildiririk ki, bu cür qayda pozuntuları törədən, sərnişinlərə qarşı qeyri-etik hərəkətlərə yol verən sürücülər barəsində qanunamüvafiq tədbirlər görüləcəkdir. Eyni zamanda, sürücülərinin sərnişindaşıma və yol hərəkəti qaydalarına əməl etmələrinə nəzarət etməyən daşıyıcılar daşımalardan kənarlaşdırılacaqdır" - deyə, məlumatda qeyd edilir.

Məqalədə:
Xəbər lenti

Xəbər lenti