Bakı. Trend:
Azərbaycanda BMT Təhlükəsizlik Şurasının Qadınlar, Sülh və Təhlükəsizlik üzrə 1325 saylı Qətnaməsinin Milli Fəaliyyət Planı hazırlanır.
Trend-in məlumatına görə, bunu Ailə, Qadın və Uşaq Problemləri
üzrə Dövlət Komitəsinin sədr müavini Sədaqət Qəhrəmanova Bakıda
keçirilən Azərbaycanda Qadın, sülh və təhlükəsizlik üzrə Birinci
Milli Forumda deyib.
S.Qəhramanova bildirib ki, münaqişələr zamanı əziyyət çəkənlər daha
çox mülki əhali, xüsusilə uşaqlar və qadınlar olur.
“Bəzən müharibədə hərbçilər müharibə qaydalarını pozaraq mülki obyektləri atəşə tuturlar. Azərbaycan isə 44 günlük müharibədə bütün müharibə qaydalarına əməl edən bir ölkə kimi nümunə göstərdi. Ancaq çox təəssüf ki, Ermənistan tərəfi mülki əhalimizə atəş açaraq, münaqişə zonasından uzaqda yerləşən şəhərlərimizi, qəsəbələrimizi və kəndlərimizi raket atəşinə tutaraq mülki insanları qətlə yetirdi, qadınları, uşaqları qətlə yetirdi. Bu qaydaları pozan dövlətlər öz cəzalarını ən ağır formada almalıdır, beynəlxalq təşkilatlar bu məsələyə münasibət bidirməlidirlər”, - deyə o bildirib.
S.Qəhrəmanova əlavə edib ki, yeni hazırlanan Milli Fəaliyyət Planı bu yaxınlarda Nazirlər Kabinetinə göndəriləcək.