Azərbaycan, Bakı, 28 mart /Trend, müxbir İ.İzzət/
Sumqayıtda yaşayış binasında yanğın baş verib.
Trend Fövqəladə Hallar Nazirliyinin rəsmi saytına istinadən xəbər verir ki, Sumqayıt şəhərində beşmərtəbəli yaşayış binasının 3-cü mərtəbəsində 10 ədəd elektrik sayğacı və 5 poqon metr çıxış kabeli yanıb.
Yanğın zamanı mənzillərdən 15 nəfər sakin yanğınsöndürənlər tərəfindən təxliyyə olunub.
Mənzillər yanğından mühafizə olunub. Yanğın saat 15:00-da yanğınsöndürənlər tərəfindən söndürülüb.