Azərbaycan, Bakı, 11 aprel /Trend, müxbir İ.İzzət/
Masallı sakini qeyri-rəsmi nikah münasibətlərində olduğu qadını qətlə yetirib.
Daxili İşlər Nazirliyindən (DİN) Trend-ə verilən məlumata görə, aprelin 10-da Masallı şəhəri ərazisində Kolatan kənd sakini Mirpaşa Ağayev qeyri-rəsmi nikah münasibətlərində olduğu Aysel Xancanovanın evində qısqanclıq zəminində onu bıçaqla qətlə yetirib.
Masallı Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində M.Ağayev tutulub.
Faktla bağlı cinayət işi açılıb, araşdırma aparılır.