Azərbaycan, Bakı, 8 may /Trend/
Bakıda və Şəmkirdə oğru qadınlar saxlanılıblar.
Trend Daxili İşlər Nazirliyini saytına istinadən xəbər verir ki, aprelin 23-də Şəmkir rayonunun Zəyəm qəsəbə sakini İlham Vəliyevin evindən 1850 manat oğurlanıb.
Şəmkir RPŞ əməkdaşlarının keçirdikləri əməliyyat-axtarış tədbirləri nəticəsində oğurluğu törətmiş həmin qəsəbə sakini Nərmin Həsənova tutulub.
Mayın 6-da isə Bakı şəhər sakini Xəyalə Əliyevanın evindən qızıl əşyalar oğurlanıb. Nəsimi RPİ 19-cu PB əməkdaşlarının keçirdikləri əməliyyat-axtarış tədbirləri nəticəsində oğurluğu törətmiş Bakı şəhər sakini Ülkər Bağırova tutulub.