Azərbaycan, Bakı, 21 may /Trend/
Gəncə şəhərində məktəblinin vurulması ilə nəticələnən yol-nəqliyyat hadisəsi baş verib.
Trend Kəpəz TV-yə istinadən xəbər verir ki, Gəncə şəhər Baş Polis İdarəsindən verilən məlumata görə, hadisə şəhərin Adil Ziyadxanov küçəsində qeydə alınıb. Şəhər sakini Nicat Məhərrəmov "VAZ-2107" markalı avtomobillə hərəkətdə olarkən piyada - 29 nömrəli orta məktəbin 7-ci sinif şagirdi Səbinə İsgəndərovanı vurub.
Məktəbli müxtəlif bədən xəsarətləri ilə xəstəxanaya çatdırılıb. Onun vəziyyətinin normal olduğu bildirilir.
Faktla bağlı Gəncə şəhər Baş Polis İdarəsində araşdırma aparılır.