Azərbaycan, Bakı, 11 dekabr /Trend/
Oğurluq etdiyinə görə tutulmuş Gürcüstan vətəndaşının digər cinayət əməlləri də müəyyən edilib.
Trend Daxili İşlər Nazirliyinin saytına istinadən xəbər verir ki, oğurluq etdiyinə görə tutulmuş Gürcüstan vətəndaşı Vaqif Rüstəmovun ətrafında Nəsimi RPİ 19-cu PB əməkdaşları tərəfindən aparılmış əməliyyat tədbirləri ilə onun Bakı şəhər sakinləri F.Əzizovanın, G.Sadıqovun, S.Yusibovun və S.Quliyevanın mənzillərindən pul, noutbuk və qızıl əşyalar oğurlaması, habelə 2013-cü il dekabr ayının 11-də R.Rəhimovun mənzilindən qapıya açar seçmək yolu ilə oğurluğa cəhd göstərməsi də müəyyən edilib.