Azərbaycan, Bakı, 12 dekabr /Trend, müxbir İlkin İzzət/
Qeyri-rəsmi nikah münasibətlərində olduğu qadına bıçaqla xəsarət yetirmiş şəxs tutulub.
Daxili İşlər Nazirliyinin mətbuat xidmətindən Trend-ə verilən məlumata görə, dekabrın 11-də Suraxanı rayonunun Zığ qəsəbəsindəki bağ evlərinin birində Bakı şəhər sakini Elşən Mehdiyev qısqanclıq zəminində qeyri-rəsmi nikah münasibətlərində olduğu İntima Salmanovaya bıçaqla xəsarət yetirərək hadisə yerini tərk edib. İ.Salmanova hadisə yerində ölüb.
Suraxanı rayon Polis İdarəsi 30-cu Polis bölməsi əməkdaşlarının həyata keçirdikləri əməliyyat-axtarış tədbirləri nəticəsində E.Mehdiyev tutulub.