Azərbaycan, Bakı, 10 mart /Trend, müxbir İlkin İzzət/
Bıçaqlanmış Göyçay rayon sakini aldığı xəsarətdən xəstəxanada ölüb.
Daxili İşlər Nazirliyinin mətbuat xidmətindən Trend-ə verilən məlumata görə, martın 9-da Göyçay rayonunun Çaxırlı kəndində kənd sakini Elşən Məmmədov münaqişə zəminində həmkəndlisi Rahib Əliyevə bıçaqla xəsarət yetirib. Hadisəni törətdikdən sonra E.Məmmədov hadisə yerini tərk edib. Xəstəxanaya yerləşdirilmiş R.Əliyev isə martın 10-da orada ölüb.
Göyçay rayon Polis şöbəsi tərəfindən əməliyyat-axtarış tədbirləri aparılır.