Bakı. Trend:
Şamaxı sakini sərxoş halda 102 qaynar xəttinə zəng edərək polis əməkdaşlarına səhv məlumat verib.
Trend Region TV-yə istinadən xəbər verir ki, 35 yaşlı Raqib Həşimov sərxoş halda Şamaxıdan paytaxta üz tutub.
Burada da əlavə spirtli içki qəbul edən R.Həşimov 102 qaynar xəttinə zəng edərək polis əməkdaşlarını aldadıb. İçkili şəxs ona məxsus çantadan 5 ədəd mobil telefonun, sənədlərin və 1200 manat pulun oğurlandığını bildirib. Amma polis əməkdaşları aydınlaşdırıb ki, R.Həşimovun itirdiyi pul 1200 manat deyil, 5 ədəd 1 manatlıq və qəpiklər olub. Həmin məbləği isə digər əşyalarla birlikdə polis əməkdaşları elə Raqibin sərxoş olub yatdığı ağacın altından taparaq, özünə təhvil veriblər.
Saxlanılan R.Həşimov əməlindən peşman olduğunu bildirib.
Məlum olub ki, R.Həşimov bundan öncə də məhkumluq həyatı yaşayıb. Sərxoş sürücünün hərəkətlərinə isə hüquqi müstəvidə qiymət veriləcəyi bildirilir.
