...

Avtomobil qaçıran şəxs saxlanılıb

Hadisə Materials 25 Sentyabr 2017 16:45 (UTC +04:00)
Paytaxt sakininin avtomobilini qaçıran şəxs saxlanılıb.
Avtomobil qaçıran şəxs saxlanılıb

Bakı. Trend:

Paytaxt sakininin avtomobilini qaçıran şəxs saxlanılıb.

Daxili İşlər Nazirliyindən Trend-ə verilən məlumata görə, Nəsimi rayonu ərazisindən avtomobil qaçırılması barədə DİN-in “102 Zəng Xidməti Mərkəzi”nə məlumat daxil olub.

Hadisə yerinə gələn Nəsimi Rayon Polis İdarəsinin 22-ci Polis Bölməsinin əməkdaşları müvafiq araşdırmalar aparıblar. Müəyyən edilib ki, paytaxt sakini olan Səkinə Həsənovaya məxsus “Changan” markalı avtomobil saat 2 radələrində qaçırılıb.

Əməliyyat-axtarış tədbirləri nəticəsində DİN-in Təhlükəsiz Şəhər Xidməti tərəfindən avtomobilin Siyəzən rayonu ərazisində hərəkətdə olması aşkar edilib və görülmüş tədbirlərlə avtomobil sürücü ilə birlikdə Baş Dövlət Yol Polisi İdarəsinin əməkdaşları tərəfindən saxlanılıb.

Araşdırmalarla avtomobili qaçırmaqda şübhəli bilinən şəxsin Ucar rayon sakini, əvvəllər məhkum olunmuş Xəyal Kərimov olduğu müəyyən edilib.

Məqalədə:
Xəbər lenti

Xəbər lenti