Bakı. Samir Əli - Trend:
Qaradağ rayon Məhkəməsində "Müsəlman Birliyi" adlı təşkilatın həbsdə olan sədri Taleh Bağırov barəsində başlanan əlavə ittiham üzrə məhkəmə iclası başa çatıb.
Trend-in məlumatına görə, prosesdə təqsirləndirilən şəxsə hökm oxunub.
Məhkəmənin hökmü ilə T. Bağırov beş ay müddətinə azadlıqdan məhrum edilib.
Qeyd edək ki, Taleh Bağırova qarşı Cinayət Məcəlləsinin 317-2.1-ci maddəsi (Cəzaçəkmə müəssisələrində və ya istintaq təcridxanalarında saxlanılan şəxs tərəfindən qadağan olunmuş əşyaların hazırlanması, saxlanılması, gəzdirilməsi, daşınması və ya istifadəsi) ilə ittiham elan edilib.
İttihama əsasən, onun üzərindən ötən il iyulun 31-də yeddi ədəd “microSD” tipli yaddaş kartları aşkar edilib.
Xatırladaq ki, T. Bağırov 2015-ci il noyabrın 26-da Nardaranda keçirilən əməliyyat zamanı saxlanılıb. Bakı Ağır Cinayətlər Məhkəməsinin hökmü ilə 20 il müddətinə azadlıqdan məhrum edilib.