Bakı. Trend:
Yanvarın 3-də Masallı rayonu ərazisindən Ərkivan qəsəbə sakini Eldar Mənsimova məxsus “VAZ-2107” markalı avtomobil qaçırılıb və həmin gün Məmmədxanlı kəndinin ərazisində tapılıb.
DİN-dən Trend-ə verilən məlumata görə, Masallı RPŞ əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Xırmandalı kənd sakini, əvvəllər məhkum olunmuş Said Kərimov saxlanılıb.
Ətrafında aparılmış tədbirlərlə onun yanvarın 3-də rayon ərazisindən həmkəndlisi Məhəddin Alışova məxsus “VAZ-2107” markalı avtomobili qaçırması və Seybətin kəndi ərazisində idarə edərkən onu yolun kənarındakı maneəyə vurması da müəyyən edilib.
Faktla əlaqədar cinayət işi başlanıb.
Masallı RPŞ tərəfindən araşdırma aparılır.