Bakı. Trend:
Bakı Ağır Cinayətlər Məhkəməsində külli miqdarda narkotik vasitənin qanunsuz dövriyyəsində təqsirləndirilən Ülvi Ağazadənin cinayət işi üzrə məhkəmə prosesi başa çatıb.
Trend-in məlumatına görə, prosesdə təqsirləndirilən şəxsə hökm
oxunub.
Məhkəmənin hökmü ilə Ü.Ağazadə 7 il azadlıqdan məhrum edilib.
İttihama görə, təqsirləndirilən şəxs Daxili İşlər Nazirliyi (DİN) əməkdaşlarının keçirdiyi əməliyyatla həbs olunub. O, Cinayət Məcəlləsinin 234-cü (narkotil vasitələrin qanunsuz dövriyyəsi) maddəsi ilə ittiham olunub.