Bakı. Trend:
Masallı rayonunda şadlıq sarayında qonağı qarət edən şəxs saxlanılıb.
Daxili İşlər Nazirliyindən Trend-ə verilən məlumata görə, Masallı rayonunda restoranların birində soyğunçuluq əməli törətməkdə şübhəli bilinən rayon sakini İbrahim Alışov müəyyən edilərək saxlanılıb.
Faktla bağlı Masallı RPŞ-də CM-nin 180.1-ci maddəsi ilə cinayət işi başlanılıb. Araşdırmlar davam etdirilir.
Xatırladaq ki, hadisə oktyabrın 29-da Masallı şəhəri ərazisində yerləşən “İlqar plaza” şadlıq sarayında baş verib. Nəməlum şəxs 1972-ci il təvəllüdlü Əlövsət Əhmədova hücum edib. Həmin şəxs 50 yaşlı kişinin 200 manat pulunu açıq talama yolu ilə alaraq uzaqlaşıb.