...

Zaqatalada dördotaqlı ev yanıb

Hadisə Materials 26 Fevral 2024 00:31 (UTC +04:00)
Zaqatalada dördotaqlı ev yanıb

Bakı. Trend:

Zaqatalada dördotaqlı fərdi yaşayış evində yanğın olub.

Fövqəladə Hallar Nazirliyindən Trend-ə bildirilib ki, yanğın rayonun Aşağı Tala kəndində, kənd sakini Kənan Hacıməhəmməd oğlu Rəcəbova məxsus, ümumi sahəsi 100 kvadratmetr olan kürsülü birmərtəbəli dördotaqdan ibarət fərdi yaşayış evində baş verib.

Yanğının söndürülməsi üçün əraziyə FHN-nin Zaqatala rayon Dövlət Yanğından Mühafizə Hissəsinin iki yanğınsöndürən maşını və şəxsi heyəti cəlb edilib.

Yanğın nəticəsində 40 kvadratmetr olan bir otağın yanar konstruksiyası əşyaları ilə birlikdə və daş örtüyünün 10 kvadratmetrlik sahəsi yanıb.

Evin qalan hissəsi və yaxınlıqdakı digər tikililər yanğından mühafizə olunub. Yanğın zamanı xəsarət alan olmayıb.

Faktla bağlı araşdırma aparılır.

Xəbər lenti

Xəbər lenti