Bakı. Trend:
Goranboy rayonunda yanğın baş verib.
Fövqəladə Hallar Nazirliyindən Trend-ə verilən məlumata görə, rayonun Qaradağlı kəndində ümumi sahəsi 386 m² (hər mərtəbəsi 143 m², mansardası 100 m²) olan ikimərtəbəli mansarda tipli 9 otaqlı evin mansardasının yanar konstruksiyaları, ikinci mərtəbəsində 2 otağın tavanı və içərisində olan ev əşyaları 100 m² sahədə yanıb.
Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.