Azərbaycan, Bakı,03 mart / Trend , müxbir R.Hafizoğlu,R.Abdullayev / Mahmud Abbasın, Qəzzədə keçirilən hərbi əməliyyatlara cavab olaraq, İsraillə danışıqları dayandırması,dünya ictimaiyyətinin bu ölkəyə təzyiqinin artması ilə nəticələnə bilər.
"Mahmud Abbasın İsraillə danışıqları dayandırması dünya ölkələrinin İsrailə təzyiqi ilə nəticələnəcək"-deyə,- fələstinli politoloq Nasir Ləhham Trend a bildirirb. Əl-Cəzirə telekanalının martın 3-də verdiyi məlumata görə, Fələstin administrasiyasının prezidenti Mahmud Abbas İsrailin Qəzzədə keçirdiyi genişmiqyaslv hərbi əməliyyatlara etiraz olaraq, bu dövlətlə bütün rəsmi danışıqları dayandırmağı qərara alıb.
Ekspertlərin fikrincə, Abbasın İsraillə əlaqələri dondurması qərarı hərbi əməliyyatları sona çatdırmasa da, İsrailə təzyiqin artması üçün təqdirəlayiq addımdır.
"Abbas Fələstin probelmini həll edə biləcək yegənə şəxsiyyətdir. Onun belə bir addım atması gec-tez dünya ölkələrinin İsrailə təzyiqi ilə nəticələnək "-deyə, bazar ertəsi "Məan" İnformasiya Agentliyinin direktoru politoloq Ləhham Ramallahdan telefonla Trend a bildirirb.
Ləhhamın fikrincə, İsrail danışıqların bərpası üçün Qəzzə ərazisində həyata keçirdiyi hərbi əməliyyatları dayandırmalıdır.
Qəzzədəki İslam Universitetinin dekanı, həmasyönlü politoloq İsam Məhəmməd də. Abbasın İsraillə danışıqları dondurmasını təqdirəlayiq hesab edib.
"Mahmud Abbas fələstinlilər arasında böyük nüfüz sahibi olmasa da, onun belə bir addım atması xalq arasında nüfuzunun yüksəlməsinə səbəb olacaq"-deyə,Məhəmməd bazar ertəsi Qəzzədən telefonla "TrerdNews"a bildirib.
O hesab edir ki,Abbasın bəyanatı bir qədər gec olsa da, dünya ölkələrinin İsrailə təzyiqi üçün kifayətdir.
Fələstində mübərizə aparan "İslami Cihad" təşkilatının liderlərindən biri olan Xalid Batş da,Mahmud Abbasın bəyanatını bu vaxta qədər edilən ən ağıllı hərəkət hesab edib.
"Mahmud Abbasın İsraillə danışıqları dondurması sionist hökümətini düşünməyə vadar edəcək "-deyə,bazar ertəsi Batş Fələstindən telefonla "TrednNews"a bildirirb.
Xəbər hazırlanarkən Fələstindəki İslami Müqavimət Təşkilatı "Həmas" - ın mətbuat katibi Sami Əbu Zührinin məsələyə münasibətini öyrənmək istəsək də, o sözügedən bəyanata münasibət bildirməkdən imtina edib.
İsrail XİN rəsmisi Eddi Şapira isə, Abbasın Qəzzədə keçirilən antiterror əməliyyatlarına etiraz olaraq, danışıqların dondurulmasından təəssüfləndiyini bildirib." Biz çox təəssüf edirik ki, Mahmud Abbas İsraillə Qəzzə bölgəsindəki antiterror əməliyyatlarla bağlı danışıqları dondurub"-deyə, bazar ertəsi Şapira ( "Biz Mahmud Abbası və onun başçılıq etdiyi Fələstin Administrasiyasını danılşıqlarda ciddi tərəfdaş kimi qəbul edirik" - deyə Şapira bildirib. Onun sözlərinə görə, İsrailin Qəzzədəki antiterror əməliyyatı dinc Fələstin əhalisi arasında itkiyə səbəb olsa da,İsrail vətəndaşlarının müdafiəsi naminə həyta keçirilib. Bu İsrail hökumətinin bilavastə vəzifəsidir. Eyni zamanda, həmas da İsrailin dinc əhalisinə maksimum zərər gətirmək məqsədi ilə, yaşayış məntəqələrini raket atəşinə tutur.
" Abbas və onun danışıqlar aparan heyəti ççox yaxşı bilir ki, terror infrastrukturu və terror təşkilarları ilə mübarizə həmişə sülh prosesləri ilə yanaşı aparılır"- deyə İsrail XİN-nin rəsmi nümayəndəsi qeyd edib.
KİV -in məlumatına görə, İsrail ordusunun son iki gündə Qəzzədə apardığı hərbi əməliyyatlar nəticəsində, qətlə yetirilənlərin sayının 116 nəfərdən çox olduğu bildirilir.BMT-nin Baş katibi Pan Qi Mun da, İsrailin Qəzzədə keçirdiyi hərbi əməliyyatları pisləyərək, hərbi əməliyyatlara tez bir zamanda son qoyulmasını istəyib.Türkiyənin Baş naziri Rəcəb Təyyib Ərdoğan da İsrailin Qəzzədə keçirdiyi hərbi əməliyyatları pisləyib. O,İsraili problemi diplomatik yolla həll etməməkdə ittiham edib.
