Fransa, Strasburq, 10 mart / Trend , müxbir A.Məhərrəmli /Avropa Şurası Katibliyindən Trend ə verilən məlumata görə, 19 mart 2008-ci il tarixində Strasburqda Avropa Şurası ilə "Demokratiya və iqtisadi inkişaf naminə təşkilat - QUAM" arasında münasibətlərə dair müzakirələr aparılacaq. AŞ-nın Nazirlər Komitəsinin Xarici Əlaqələr üzrə məruzəçi qrupunun iclasında, Azərbaycanın AŞ yanında Daimi Nümayəndəliyi tərəfindən gündəliyə daxil edilmiş AŞ ilə QUAM arasında əməkdaşlığın gələcək inkişaf perspektivləri müzakirə olunacaq, müvafiq dialoqun gələcəkdə davam etdirilməsi imkanları ətrafında fikir mübadiləsi aparılacaqdır.
İlk dəfədir ki, QUAM-ın digər beynəlxalq bir təşkilatla tərəfdaşlıq əlaqələri belə bir yüksək səviyyədə müzakirə ediləcək.
Toplantıda Azərbaycan və digər QUAM ölkələrinin - Gürcüstan, Moldova və Ukrayna - Xarici İşlər Nazirliklərinin yüksək rütbəli təmsilçilərinın, eləcə də QUAM-ın baş katibinin iştirakı nəzərdə tutulur.