Azərbaycan, Bakı, 12 mart / Trend , müxbir A.Bədəlova/ ABŞ-ın Dövlət Energetika İnformasiyaları İdarəsinin (EIA) qiymətləndirməsinə əsasən, OPEK ölkələrinin neftinin xalis ixracından əldə edəcəyi gəlirlər 2008-ci ildə 927 mlrd. dollar təşkil edəcək. Bu göstərici 2007-ci ildə 676 mlrd. dollara bərabər olub.
EIA-dan çərşənbə günü Trend a verilən məlumata görə, 2009-cu ildə OPEK ölkələrinin mənfəəti 97 mlrd. dollar azalaraq 830 mlrd. dollara qədər encək. EIA-dan OPEK-in 2009-cu ildə xalis neft ixracından əldə etdiyi gəlirlərin 10,5 faiz aşağı qiymətləndirilməsini izah etmirlər. Müstəqil ekspertlər bunu ABŞ-ın qeyri-stabil iqtisadiyyatı səbəbindən neft qiymətinin azalması ilə əlaqələndirirlər.
EIA-nın qiymətləndirməsinə görə, OPEK ölkələrində xalis neft ixracından əldə olunan gəlirlər 2006-cı ilə nisbətdə 2007-ci ildə 10 faiz artaraq 676 mlrd. dollara çatıb. Gəlirin böyük hissəsi - 194 mlrd. dolları Səudiyyə Ərəbistanının payına düşüb. Bu, ötən il OPEK gəlirlərinin üçdə birini təşkil edib.
EIA proqnozlarına görə, 2009-cu ildə OPEK-in neft hasilatı orta hesabla sutkada 31,8 mln. barel təşkil edəcək. Cari ildə bu proqnozlar 32,6 mln. bareldir.
OPEK-in xalis neft ixracından mənfəəti ($ mlrd.)
| 2007 | 2008 | 2009 | |
| Əlcəzair | $51 | - | - |
| Anqola | $44 | - | - |
| Ekvador | $8 | - | - |
| İndoneziya | -$4 | - | - |
| İran | $58 | - | - |
| İraq | $38 | - | - |
| Küveyt | $55 | - | - |
| Liviya | $41 | - | - |
| Nigeriya | $56 | - | - |
| Qətər | $26 | - | - |
| Səudiyyə Ərəbistanı | $194 | - | - |
| BƏƏ | $63 | - | - |
| Venesuela | $48 | - | - |
| OPEK | $676 | $927 | $830 |
Müəlliflə əlaqə saxlamaq üçün elektron ünvan : [email protected]