...

Azərbaycanın kiçik bələdiyyələri birləşə bilər

Siyasət Materials 18 Mart 2008 14:46 (UTC +04:00)

Azərbaycan, Bakı, 18 mart/ Trend , müxbir İ.Əlizadə/ Azərbaycan Parlamentinin Regional məsələlər daimi komissiyası ölkə bələdiyyələrinin effektiv fəaliyyət göstərməsi üçün onların birləşməsini nəzərdə tutan qaydaları təsdiqləyib. "Bələdiyyələrin ərazisində yaşayan və səsvermə hüququna mailk seçicilərin 25 faizinin razılığı ilə bələdiyyələr birləşə bilər" - deyə Azərbaycan Parlamentinin Regional məsələlər daimi komissiyasının çərşənbə axşamı keçirilən iclasında komissiyanın sədri Arif Rəhimzadə bildirib.

Azərbaycanda 2757 bələdiyyə var. 150 qəsəbə bələdiyyəsidir.

Komissiya sədrinin sözlərinə görə, Azərbaycanda elə bələdiyyələr var ki, onlar yalnız beş nəfərdən ibarətdir: "Eyni zamanda, bir çox bələdiyyələrin ərazisində az sayda seçici yaşayır. Belə bələdiyyələr effektiv fəaliyyət göstərə bilmir".

Komissiyanın iclasında "Bələdiyyələrin birgə fəaliyyəti, birləşməsi, ayrılması və ləğv edilməsi haqqında" və "Bələdiyyələrin statusu haqqında" qanunlara bələdiyyələrin birləşməsini nəzərdə tutan dəyişikliklər təsdiqlənib və Milli Məclisdə müzakirəyə çıxarılması tövsiyə olunub.

Xəbər lenti

Xəbər lenti