...

Vaşinqtonun İranın Mərkəzi Bankına sanksiyaları iqtisadiyyata böyük zərbə ola bilər - Bankın sabiq müşaviri

Siyasət Materials 30 Mart 2008 17:52 (UTC +04:00)

Azərbaycan, Bakı, 30 mart / " Trend news ", müxbir D.Xatınoğlu/ ABŞ terrorizmə maliyyə dəstəyi vermək, qeyri - şəffaq iqtisadi fəaliyyət göstərmək ittihamları ilə İranın Mərkəzi Bankına (MB) sanksiya tətbiq edə bilər. İranın Mərkəzi Bankına sanksiya tətbiqi təhlükəsi realdır- İran MB-nin sabiq sədr müşavri Bijən Bidabad Trend a bildirib.

ABŞ Maliyə nazirliyi İranın Mərkəzi Bankın qeyri -şəffaq iqtisadi fəaliyyət, terrorizmə maliyyə yardımı göstərməkdə və dünya iqtisadiyyat sisteminə xələl gətirmək siyasəti aparmaqda ittiham edib. BBC-nin martın 29-da yaydığı məlumata əsasən, ABŞ Konqresinin bəzi üzvləri, həmçinin, Amerika senatorlarının bir qismi prezident Corc Buşa rəsmi məktubla müraciət edərək, İranın Mərkəzi Bankına sanksiyalar qoyulmasını tələb ediblər.

"İranın Mərkəzi Bankının beynəlxalq səviyyədə iqtisadi fəaliyyəti çox qenişdir və bu, Banka sanksiyaların tədbiq edilməsi böyük problemlərə səbəb olacaq"-deyə, Tehran universitetinin iqtisadiyyat elmləri üzrə professoru Bidabad Tehrandan telefonla bildirib. Onun fikrincə, Mərkəzi Bankın xarici banklar və şirkətlərlə geniş iqtisadi əlaqəsi olduğundan, bəzi ölkələr, xüsusilə Rusiya və Çin sanksiylara qatılmağa qarşı müqavimət göstərəcək. O əlavə edib ki, ABŞ-ın təzyiqləri nəticəsində, beynəlxalq banklar, nəhayət, sanksiyalara qatılmağa məcbur olacaq və bu da İranın iqtisadiyyatına böyük zərbədir.

ABŞ maliyə nazirinin müavini Stüart Livi (Stewart Levy) BBC-yə müsahibəsində Mərkəzi Banka embarqo qoyulmasını istisna etməsə də, konkret proqnoz verməyib. O, bildirib ki, İranın Mərkəzi Bankı digər xarici banklarla iqtisadi əlaqələrində dəfələrlə müqavilə sənədlərində bu bankın adının qeyd olunmamasına çalışıb. "İranın Mərkəzi Bankı, Livan və Fələstində terror təşkilatlarının əsas maliyyə mənbəyi olub"-deyə, O bildirib.

Vaşinqton İranı 2000-ci ildən 2006-ci ilədək "Hizbullah" və "Həmas" təşkilatlarına ən azı 50 milyon dollar həcmində maliyyə yardımı göstərməkdə günahlandırır. İran isə, bu məsələni təkzib edərək, bu təşkilatlara yalnız "mənəvi" dəstək verdiyini bildirir.

Bidabad bildirib ki, İranın bəzi banklarına (Sepəh, Saderat və Melli) sanksiya tətbiq olunduğundan, Mərkəzi Bank xarici müqavilələrində və maliyyə dövriyyəsində beynəlxalq prinsiplərə və qanunlara əməl etməməyə məcbur olub. "Mərkəzi Bank sanksiyalardan qaçmaq üçün tərəfdaş olduğu bankdan əlavə, 3-cü vasitəçi banklarla əlaqəyə də məcbur olub. Bu isə, İrana idxal olan malların qiymət artımı ilə nəticələnib, həmçinin, İranın Mərkəzi Bankının fəaliyyətlərinə dair şübhələrin yaranmasına səbəb olub. Hazırda xarici şirkətlərin çoxu İrana idxal olunan malları sığorta etməkdən çəkinirlər"-deyə, Bidabad bildirib.

İran Mərkəzi Bankının xaricdə 50-dən çox filialı və şöbəlsi fəaliyyət göstərir. ABŞ artıq İranın Mərkəzi Bankının nəzarəti altında olan Sepəh, Melli, Saderat və Mellət banklarına sanksiya tətbiq edir.

Xəbər lenti

Xəbər lenti