Azərbaycan, Bakı, 16 iyun /Trend, Е.Ostapenko/
Avropa Şurası Parlament Assambleyasının sədri Mövlud Çavuşoğlu Türkiyənin Avropa Jurnalistləri Assosiasiyası tərəfindən "İlin siyasətçisi" adını alıb, - AŞPA-dan verilən məlumatda deyilir.
AŞPA rəhbəri İstanbulda keçirilən tədbirdə assosiasiyanın sədri Adnan Fisenka tərəfindən mükafata layiq görülüb.
Türkiyənin Ədalət və İnkişaf Partiyasının qurucularından biri olan Çavuşoğlu yanvar ayında AŞPA-nın sədri seçilib. Əlli ildən çox fəaliyyət göstərən quruma birinci dəfə olaraq Türkiyə təmsilçisi rəhbərlik edib. 2003-cü ildən bəri Çavuşoğlu assambleyanın üzvüdür.
Əvvəllər o, Avropa Şurası və Hüquq Komitəsi yanında ölkələrin öhdəlikləri monitorinqi üzrə komitədə çalışıb; 1930-cu illərdə Ukraynada aclıq problemi üzrə məruzəçi olub.