Gürcüstan, Tbilisi, 12 avqust /Trend, müxbir N.Kirsxaliya/
Gürcü sərhədçiləri Gürcüstan-Türkiyə sərhədini qanunsuz keçməyə cəhd göstərən Rusiya Federasiyası vətəndaşını saxlayıblar. Gürcüstan sərhəd polisindən Trend-ə verilən məlumata görə, saxlanma Acarıstanın Şuaxev rayonundakı Maçarula dağlarında baş verib.
Gürcü sərhədçiləri saxlanılanın adını açıqlayıblar. O, Qroznıda yaşayan Məhəmməd Dudayev adlı şəxsdir.
Sərhədi gizli keçmək faktı üzrə Gürcüstan CM-in 344-cü maddəsi üzrə cinayət işi qaldırılıb. Təhqiqat aparılır.