Azərbaycan, Bakı, 24 dekabr /Trend, müxbir T.Hacıyev/
Azərbaycan Parlamenti ABŞ Senatını ölkəmizə təyin olunan səfiri təsdiq etməyə çağırır.
"Arzu edirik ki, ABŞ-ın Azərbaycana yeni təyin olunan səfirini Senat təsdiq etsin", - Trend-in məlumatına görə, bunu cümə günü jurnalistlərə Milli Məclisin vitse-spikeri Bahar Muradova deyib.
Muradova bildirib ki, səfirin təyin olunmaması yaxşı hal deyil.
"Amma düşünmürəm ki, səfirin təyin olunmasının uzanması iki ölkə arasında münasibətlərə kəskin təsir göstərsin", - vitse-spiker bildirib.
ABŞ-ın Azərbaycandakı səfiri Enn Dersinin 2009-cu il iyulun əvvəlindən səfir müddəti başa çatıb. O vaxtdan ABŞ Azərbaycana yeni səfir göndərməyib.
ABŞ Prezidenti səfir vəzifəsinə Metyu Brayzanı təqdim etsə də, Senat hələ də bunu təsdiq etmir.