Azərbaycan, Bakı, 16 iyun /Trend, müxbir R.Hafizoğlu/
PKK terror təşkilatı silahlı müqaviməti dayandıracağı təqdirdə, İmralı həbsxanasında saxlanılan PKK lideri Abdullah Öcalanın həbs cəzasının ev dustağına dəyişdirilməsi məsələsi müzakirə oluna bilər. Trend-in "CNN Türk" telekanalı istinadən verdiyi məlumata görə, bu barədə Türkiyə Baş nazirinin müavini Bülənt Arınc bildirib.
"Terror təşkilatı silahlı müqavimətdən əl çəkəcəyi təqdirdə, bu məsələ müzakirəyə çıxarıla bilər. Lakin hazırda buna ehtiyac yoxdur", - Arınc qeyd edib.
Baş nazirin müavini onu da deyib ki, PKK terror təşkilatı, ilk növbədə, silahlı müqavimətə qeyd-şərtsiz son qoymalıdır.