Azərbaycan, Bakı, 22 sentyabr /Trend/
Azərbaycan Prezidenti İlham Əliyev şənbə günü Səudiyyə Ərəbistanı Krallığının Vəliəhdi, Baş nazirin müavini, müdafiə naziri Salman bin Əbdüləziz Al Səuda Səudiyyə Ərəbistanının milli bayramı - Krallıq elan edilməsi günü münasibətilə təbrik məktubu ünvanlayıb.
"Milli bayramınız - Krallıq elan edilməsi günü münasibətilə Sizi və bütün xalqınızı ürəkdən təbrik edirəm. Ümidvaram ki, Azərbaycan ilə Səudiyyə Ərəbistanı arasındakı dostluq və əməkdaşlıq münasibətləri xalqlarımızın mənafelərinə uyğun olaraq bundan sonra da inkişaf edəcək və möhkəmlənəcəkdir", - məktubda deyilir.
Prezident İlham Əliyev Salman bin Əbdüləziz Al Səuda ən xoş arzularını yetirib, Səudiyyə Ərəbistanının qardaş xalqına əmin-amanlıq və firavanlıq diləyb.