Azərbaycan, Bakı, 16 noyabr /Trend, müxbir A.Tağıyeva/
İsrail-Türkiyə əlaqələrinin bu gün dondurulmuş olmasına baxmayaraq, Ankara Qəzza sektorunda əməliyyatların dayandırılması üçün İsraillə danışıqlar aparmalıdır. Bu barədə Türkiyənin Baş nazirinin müavini Bülənt Arınç bəyan edib. Trend-in məlumatına görə, xəbəri "Anadolu" agentliyi yayıb.
"Türkiyə və İsrail dinc əhalinin həlak olmasının qarşısının alınması üçün Qəzza sektoruna zərbələrin dayandırılması ilə bağlı danışıqlar aparmalıdır", - Arınç deyib.
O qeyd edib ki, Türkiyə İsrailin Qəzzaya qarşı təcavüzünün qarşısının alınması üçün mümkün olan hər şeyi edir.