Rumıniya Deputatlar Palatasının sədri Azərbaycana səfərə gəlir

Azərbaycan, Bakı, 13 mart /Trend, müxbir M. Əliyev/

Rumıniya Deputatlar Palatasının sədri Valeriu Zgoneanın rəhbərlik etdiyi nümayəndə heyəti martın 14-də Bakıya səfər edəcək.

Azərbaycan Milli Məclisinin mətbuat xidmətindən Trend-ə bildiriblər ki, verilən məlumata görə, səfər çərçivəsində Azərbaycan və Rumıniya parlamentləri arasında əməkdaşlığın perspektivləri müzakirə olunacaq.

Səfər çərçivəsində Zgoneanın Prezident İlham Əliyev, Milli Məclisin sədri Oqtay Əsədov və bir sıra rəsmilərlə görüşü nəzərdə tutulub.