Azərbaycan, Bakı, 4 aprel /Trend/
Çin hərbi texnikalarını KXDR-lə həmsərhəd olan regiona cəmləşdirir. Trend-in RİA Novostiyə istinadən verdiyi məlumata görə, Çinin hərbi qüvvələrinin hərəkət etməsi hələ mart ayından başlayıb və hazırda da bu proses davam edir.
Məlumatda bildirilir ki, Lyaonin əyalətində Çinin Xalq-Azadlıq Ordusunun hissələri və ağır artilleriyaları, həmçinin, 190-cı motopiyada briqadası yerləşdirilir.
Bununla yanaşı, Fuçen, Çjanu və Çançun əyalətlərində çoxsaylı hərbi təyyarələr görünüb.
Xəbərdə deyilir ki, bu hərbi qüvvələr regionda hər hansı münaqişə olacağı təqdirdə vəziyyətə müdaxilə edəcək.