...

Azərbaycan Konstitusiyasına dəyişikliklərlə bağlı layihəyə baxılır (FOTO) (ƏLAVƏ OLUNUB)

Siyasət Materials 25 İyul 2016 10:00 (UTC +04:00)
Konstitusiya Məhkəməsinin Plenumunda bu gün Azərbaycan Konstitusiyasına dəyişikliklərlə bağlı layihəyə baxılır.
Azərbaycan Konstitusiyasına dəyişikliklərlə bağlı layihəyə baxılır (FOTO) (ƏLAVƏ OLUNUB)

Bakı. Elçin Mehdiyev - Trend:

Konstitusiya Məhkəməsinin Plenumunda bu gün Azərbaycan Konstitusiyasına dəyişikliklərlə bağlı layihəyə baxılır.

Trend-in məlumatına görə, Plenumun iclasını Konstitusiya Məhkəməsinin sədri Fərhad Abdullayev açıb. O qeyd edib ki, iclası 8 hakim idarə edir.

İclasda Azərbaycan Prezidenti Administrasiyasının Qanunvericilik və hüquq ekspertizası məsələləri şöbəsinin müdiri Şahin Əliyev də iştirak edir.

Hazırda Konstitusiyaya təklif edilən dəyişikliklər layihəsinə baxılır.

Azərbaycanda I vitse-prezident və vitse-prezident vəzifələri yaradıla bilər

Azərbaycanda I vitse-prezident və vitse-prezident vəzifələri yaradıla bilər

Qeyd edək ki, iyulun 18-də Azərbaycan Respublikası Prezidenti tərəfindən Azərbaycan Respublikası Konstitusiyasının 153-cü maddəsi rəhbər tutularaq, “Azərbaycan Respublikasının Konstitusiyasında dəyişikliklər edilməsi haqqında” Azərbaycan Respublikasının Referendum Aktının layihəsi Konstitusiya Məhkəməsinə rəy verilməsi üçün təqdim edilmişdi.

Konstitusiya Məhkəməsinə göndərilən Referendum Aktı layihəsində Azərbaycanda birinci vitse-prezident və vitse-prezident postlarının yaradılması, prezidentin səlahiyyət müddətinin 5 ildən 7 ilə artırılması, prezidentə Milli Məclisi buraxmaq və növbədənkənar prezident seçkilərinin elan edilməsi səlahiyyətinin verilməsi, prezident seçkilərində yaş məhdudiyyətinin aradan qaldırılması, parlament seçkilərində iştirak üçün yaş həddinin 25-dən 18-ə endirilməsi nəzərdə tutulur.

Məqalədə:
Xəbər lenti

Xəbər lenti