Bakı. Elçin Mehdiyev - Trend:
Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov, millət vəkilləri Sahibə Qafarova və Asim Mollazadə martın 23-də Vaşınqtona səfərə gedəcəklər.
Bu barədə Trend-ə Milli Məclisdən məlumat verilib.
Deputatlar ABŞ Konqresində bir sıra görüşlər keçirəcək, parlamentlərarası əlaqələrin inkişafı, digər məsələlərlə bağlı müzakirələr aparacaq, qanun yaradıcılığı sahəsində təcrübələrini bölüşəcəklər.
Səfər martın 30-da başa çatacaq.