Bakı. Ləman Zeynalova - Trend:
Azərbaycan islahatların keçirilməsində böyük irəliləyişə nail olub.
Trend-in məlumatına görə, bunu ABŞ-ın Azərbaycandakı səfiri Örl Litzenberger Bakıda "Alumni Fair" təhsil sərgisi zamanı deyib.
O deyib: "Biz Azərbaycanın islahatların keçirilməsində səylərini dəstəkləyirik. Azərbaycan bu sahədə böyük irəliləyişə nail olub".
Diplomat qeyd edib ki, Azərbaycan hələ gənc ölkədir, hələ bir çox işlər görülməlidir:
"Biz hökumətin iqtisadi, sosial sektorlarda və vətəndaş cəmiyyəti sahəsində islahatlarını dəstəkləyirik".