Ötən gün səhər saat 09:00-dan başlayaraq Bərdə şəhərinin m ərkəzində Böyük Britaniyanın OKSFAM təşkilatının fermer-satış sərgisinin açılışı olub. Məqsəd fermerlər arasında əlaqə yaratmaq, onların məhsullarının bazarlara çıxışını yaxşılaşdırmaqdır. Trend in bölgə müxbiri xəbər verir ki, sərgi əsasən təsərrüfat mallarının satışından ibarət idi. Tədbirdə 40-a yaxın fermer iştirak edib.
"Azərbaycan aqrar ölkə olduğu üçün bu regionda kənd təsərrüfatı daha yaxşı inkişaf etməlidir". Bu sözləri deyən OKSFAM təşkilatının kənd təsərrüfatı lahiyəsi üzrə məhsul işçisi Misir Əhmədov onu da bildirib ki, kənd təsərrüfatı inkişaf etsə, Azərbaycanda yoxsulluğun azalmasına xeyli kömək edə bilər. Bu sərgilər ildə ən azı 1 dəfə keçirilməlidir.
Fermer-satış sərgisində fermerlərlə bərabər alıcılar da iştirak edib və bundan çox razı qalıblar. Burada satılan məhsullar bazar qiymətindən 20-30% aşağı olub. Sərgi saat 12:30 qədər davam edib.