Evlax - Ağdam magistral avtomobil yolunun 22-ci km-də ağır yol nəqliyyat hadisəsi baş verib. Bərdə Rayon Dövlət Yol Polisinin rəisi Elçin Əliyevin Trend in bölgə müxbirinə verdiyi məlumata görə, 05 - 19 AZ serialı Vİ 130 markalı taxta-şalban daşayan yük avtomobili ilə 09 - BF-802 serialı "Kamaz 5511" markalı qum-çınqıl daşayan yük avtomobili toqquşub. Nəticədə Vİ 130 markalı avtomobildə sərnişin qismində əyləşmiş 84 yaşlı Şirinov Aydın Cəlil oğlu hadisə yerində keçinib.
Faktla bağlı Bərdə Rayon Polis şöbəsində araşdırma aparılır.
