Naxçıvan MR-də cari ildə 2352 yerlik 8 yeni məktəb binası tikilib. Trend in Naxçıvan Bürosunun məlumatına görə, bundan əlavə regionda indiyədək 6 məktəb binasında əsaslı yenidənqurma işləri aparılıb.
Bu il həm də Heydər Əliyev fondunun vəsaiti hesabına 2 məktəb binası istifadəyə verilib ki, bunlardan biri Ordubad rayonunun Biləv kəndində 216 yerlik, digəri isə Şahbuz rayonunun Mahmudoba kəndində 144 yerlik məktəb binasıdır.
2006-cı ildə orta ümumtəhsil məktəblərinin kompüterləşməsi istiqamətində bir sıra tədbirlər həyata keçirilib. Bütövlükdə, Naxçıvan MR-in orta ümumtəhsil məktəblərində 1500 ədəd kompüter var ki, bu, qeyd olunan təhsil ocaqlarının 75%-nin kompüterləşməsi deməkdir. Mövcud kompüter otaqlarının 68-nin internet şəbəkəsinə qoşulması təmin edilib.