2007-ci ilin əvvəlində Latviyanın Seym spikeri İndulis Emsisi və xarici işlər naziri Artis Pabriks Azərbaycana gələcək. Bu barədə eksklüziv olaraq Trend ə Azərbaycanın Latviyadakı səfiri Tofiq Zülfüqarov bildirib.
O qeyd edib ki, Latviya XİN başçısının Azərbaycana səfəri artıq razılaşdırılıb və səfərin dəqiq tarixi ilə bağlı dəqiqləşdirmələr aparılır. Həmçinin Latviyanın Seym spikerinin Azərbaycana səfəri ilə bağlı danışıqlar aparılır. Səfir bildirib ki, Latviyanın eks-spikeri də Azərbaycana gəlməyi planlaşdırırdı, lakin o, seçkilərlə qalib gəlməyib. Hazırda Latviyanın yeni spikeri İndulisa Emsisin Azərbaycana rəsmi səfəri ilə bağlı hazırlıq işləri aparılır.
Xatırladaq ki, 2006-cı ilin mart ayında Latviyanın hazırkı spikeri Azərbaycanda olub. O, dünya azərbaycanlılarının Bakıda keçirilən ikinci qurultayında Latviya nümayəndə heyətinin tərkibinda iştirak edib.
T.Zülfüqarov həmçinin bildirib ki, gələn il Latviyanın idarə işlərində xüsusi tapşırıqlar üzrə naziri İna Qudele də Bakıya gələcək.
