Azərbaycan, Gəncə,31 iyul / Trend , müxbir V. Məmmədov/ Axıska türklərinin doğma torpaqlarına qayıtmasıilə bağlı fikirlərini öyrənmək məqsədilə onlar arasında sorğu keçirilir. Bu barədə məlumatı Axıska Türklərinin Vətən Cəmiyyətinin sədri İbrahim Burhanov cümə axşamı Gəncədə axıska türklərinin vətənlərindən deportasiya olunduqları günə həsr orlunmuş tədbirdə bildirib. Tədbirdə qərb bölgəsində yaşayan axıska türklərinin təşkilat rəhbərləri iştirak ediblər.
Burhanov bildirib ki, 1999-cu ildə Gürcüstan Avropa Birliynə daxil olarkən axıska türklərinin vətənlərinə qayıtması məsələsi müzakirə olunmuşdu. O zamanlar heç kəs vətəninə getmək istəmirdi.
Cəmiyyətin sədri artıq 46 ailənin əzəli torpaqlarında məskunlaşdığını deyib və bildirib ki, qərb bölgəsində yaşayan axıska türklərinin öz torpaqlarına qayıtmaq istəyib-istəmədiklərini öyrənmək məqsədilə cəmiyyət tərəfindən onlara sorğu vərəqələri paylanıb.
"İlin sonuna kimi sorğunun nəticələri bəlli olacaq",- deyə Burhanov vurğulayıb.
1944 -cü ildə İosif Stalinin göstərişi ilə axıska türkləri Gürcüstandan sürgün ediliblər.
Azərbaycana onlardan 106 min nəfər gəlib. Hazırda Azərbaycanda 70 min axıska türkü yaşayır ki, onların da 17 mini qərb bölgəsində məskunlaşıb.
Müəlliflə əlaqə saxlamaq üçün elektron ünvan - [email protected]
