Bu gün məşhur oftalmoloq alim, akademik Zərifə xanım Əliyevanın doğum günüdür

Bu gün məşhur oftalmoloq alim, akademik Zərifə xanım Əliyevanın doğum günüdür

Mənalı ömür yaşamaq hər insanın taleyinə yazılmır. Elə insanlar var ki, onların ömür yolu gələcək nəsillərin həyatına işıq saçır, xalqa tükənməz bir xəzinə bəxş edir, AzərTAc Dövlət Agentliyi məlumat yayıb.

Bu dünyaya insanlara nur paylamaq, xeyirxahlıq etmək üçün gəlmiş Zərifə xanım Əliyeva da belə seçilmiş insanlardan olmuşdur. O, günəş qədər parlaq ürək sahibi, yüksək mənəviyyat, daxili zənginlik simvolu idi. Qəlbini şam kimi əridib ondan xeyirxahlıq, işıq umanların yoluna nur çiləmək üçün yaradılmışdı Zərifə xanım Əliyeva.

Azərbaycan Respublikasının Əməkdar Elm Xadimi, tibb elmləri doktoru, Azərbaycan Elmlər Akademiyasının akademiki Zərifə Əziz qızı Əliyeva 1923-cü il aprelin 28-də Şərur rayonunun Şahtaxtı kəndində anadan olmuşdur.

1942-ci ildə orta məktəbi qurtardıqdan sonra o, Azərbaycan Dövlət Tibb İnstitutunun müalicə-profilaktika fakültəsinə daxil olmuş və 1947-ci ildə həmin institutu müvəffəqiyyətlə bitirmişdir.

Sonra Moskva şəhərində Mərkəzi Həkimləri Təkmilləşdirmə İnstitutunda oftalmolgiya üzrə ixtisaslaşdırma kursu keçmişdir.

1950-ci ildə Zərifə xanım Əliyeva aspiranturaya daxil olmuş və 1953-cü ildə oranı bitirmişdir.

1957-ci ilədək Azərbaycan Elmi-Tədqiqat Oftalmologiya İnstitutunda elmi işçi, 1960-cı ildən 1967-ci ilədək böyük elmi işçi, 1967-ci ildən isə Əziz Əliyev adına Azərbaycan Həkimləri Təkmilləşdirmə İnstitutunda göz xəstəlikləri kafedrasının dosenti, professor, görmə orqanının peşə patologiyası laboratoriyasının müdiri, oftalmologiya kafedrasının müdiri (1982-1985) vəzifələrində çalışmışdır.

İllər boyu apardığı müşahidələrin, klinik tədqiqatların və təcrübələrin nəticələri Zərifə xanım Əliyevanın dünyada ən məşhur oftalmologiya mərkəzlərinin birində - H.Helmqolts adına Moskva Göz Xəstəlikləri Elmi-Tədqiqat İnstitutunda müdafiə etdiyi "Azərbaycanın bir sıra kimya müəssisələri işçilərinin görmə orqanının vəziyyəti" mövzusunda doktorluq dissertasiyasının əsasını təşkil etmişdir. 1977-ci ildə Zərifə xanım Əliyeva tibb elmləri doktoru alimlik dərəcəsi almışdır.

Onun Azərbaycanda oftalmologiya elminin inkişafında xidmətləri ölçüyəgəlməzdir. Görkəmli alim vaxtilə Azərbaycanda geniş yayılmış traxomanın, xüsusilə kimya və elektron sənayelərində peşə fəaliyyəti ilə bağlı göz xəstəliklərinin öyrənilməsi, profilaktikası və müalicəsinə, habelə oftalmologiyanın müasir problemlərinə dair bir çox sanballı tədqiqatlar aparmışdır. Eyni zamanda, "Terapevtik oftalmologiya", "İridodiaqnostikanın əsasları" kimi nadir elmi əsərlərin müəlliflərindən biri, 12 monoqrafiya, dərslik və dərs vəsaitinin, 150-yə yaxın elmi işin, 1 ixtira və 12 səmərələşdirici təklifin müəllifidir.

Zərifə xanım Əliyeva yüksək ixtisaslı kadrların hazırlanmasına da böyük əmək sərf etmişdir. Onun birbaşa rəhbərliyi ilə gənc alimlərin və həkim-oftalmoloqların böyük bir nəsli yetişmişdir. Görkəmli alim tələbələrinə zəngin həyat təcrübəsini öyrətmiş, onlara diqqət və qayğı ilə yanaşmışdır.

Zərifə xanım Əliyeva Ümumittifaq Oftalmoloqlar Cəmiyyəti Rəyasət Heyətinin, Sovet Sülhü Müdafiə Komitəsinin, Azərbaycan Oftalmologiya Cəmiyyəti İdarə Heyətinin, "Vestnik oftalmologiyi" (Moskva) jurnalı redaksiya heyətinin üzvü olmuşdur.

1981-cı ildə oftalmologiyanın inkişafına verdiyi böyük töhfəyə - görmə orqanının peşə patologiyası sahəsində apardığı elmi tədqiqatlara görə professor Z.Ə.Əliyeva oftalmologiya aləmində ən yüksək mükafata - SSRİ Tibb Elmləri Akademiyasının akademik M.İ. Averbax adına mükafatına layiq görülmüşdür. Qeyd etmək lazımdır ki, professor Zərifə xanım Əliyeva həmin mükafata layiq görülən ilk qadın olmuşdur.

Apardığı elmi tədqiqatların yüksək səviyyəsi, onların sosial əhəmiyyəti, ictimai fəallığı, pedaqoji istedadı, çoxillik elmi-tədqiqat işlərində böyük xidmətləri layiqincə qiymətləndirilərək, 1983-cü ildə Zərifə xanım Əliyeva Azərbaycan SSR EA-nın akademiki seçilmişdir.

Görkəmli alim, fəal ictimai xadim Zərifə xanım Əliyeva xidmətlərinə görə orden və medallarla təltif olunmuş, Azərbaycanın Əməkdar Elm Xadimi kimi yüksək fəxri ada layiq görülmüşdür.

Zərifə xanım Əliyevanın həyat fəlsəfəsi, mənəvi dünyası, oftalmologiya elminin inkişafındakı xidmətləri o qədər zəngin və çoxcəhətlidir ki, onun fəaliyyətinə nəzər salarkən, bu dahi insanın genişmiqyaslı şəxsiyyət olması qənaətinə gəlmək olur. Zərifə xanımın fitri istedada malik novator alim, pak və nadir bir insan kimi yaşadığı dərin mənalı ömrü, keçdiyi şərəfli həyat yolu hər bir Azərbaycan vətəndaşı, hər bir alim və həkim üçün həyat və mənəviyyat dərsi, kamillik və müdriklik məktəbidir. Onun elmi, tibbi və pedaqoji fəaliyyəti, hər kəs üçün nümunə olan yüksək mənəvi keyfiyyətləri haqqında çoxsaylı məqalə, kitab və əsərlər yazılmış və bundan sonra da yazılacaqdır. Zərifə xanım Əliyevanın zəngin elmi irsi, oftalmologiyanın müxtəlif sahələri üzrə apardığı tədqiqatlar, qazandığı nailiyyətlər, yaratdığı fundamental əsərlər Azərbaycan tibb elminin parlaq səhifəsidir.

Akademik Zərifə xanım Əliyeva oftalmologiyanın aktual mövzularına həsr edilmiş çoxprofilli tədqiqatlar aparmış, fədakar həkim kimi bir sıra göz xəstəliklərinin müalicəsində, o cümlədən Azərbaycanda traxomanın kökünün kəsilməsində böyük əmək sərf etmiş, xəstəliyin müxtəlif mərhələlərinin öyrənilməsi və müalicə metodlarının axtarılması yollarında dəyərli elmi-tədqiqatlar aparmışdır.

Alimin elmi fəaliyyətinin istiqamətlərindən biri gözün oftalmoloji, histomikroskopik və histokimyəvi tədqiqinə həsr edilmişdir. Bu istiqamətdə apardığı elmi-tədqiqat işlərinin nəticələri onun "Yaşla əlaqədar gözün və görmə siniri yollarının dəyişməsi", "Gözün hidrodinamik sisteminin anatomo-fizioloji xarakteristikası" adlı monoqrafiyalarında geniş və ətraflı şəkildə öz əksini tapmışdır.

Zərifə xanım Əliyevanın elmi fəaliyyətinin digər sahələrindən biri klinik diaqnostik istiqamətdə apardığı tədqiqatlardır. Bu tədqiqatların nəticələri həkimlər üçün yazılmış dərs vəsaiti və monoqrafiyalarda cəmləşmişdir. Bu əsərlər arasında "Kəskin virus konyunktivitləri", "Keratitlər, gözün damarlı traktının, torlu qişanın, görmə sinirinin xəstəlikləri, kataraktalar", "Qlaukoma və gözün hipertenziyası", "Görmə orqanının zədələnməsi", "Göz yaşı axmasının fiziologiya və histologiyası", "Şəkərli diabetdə göz xəstəlikləri", "Gözün mikrocərrahiyyəsi", "Göz bəbəyi haşiyəsinin adaptasiya və müdafiə funksiyası" və s. xüsusi qeyd edilməlidir. Alim göz yaşı xəstəliklərinin öyrənilməsinə xüsusi diqqət yetirmiş, bu sahəyə həsr etdiyi "Yaşaparıcı yolların fiziologiyası", "Yaşaparıcı yolların cərrahi müalicəsi", "Göz yaşı yollarının qoruyucu cərrahiyyə üsulları" və digər əsərləri ilə Azərbaycan lakrimologiyasının əsasını qoymuşdur.

Bunlarla yanaşı, Zərifə xanım Əliyeva nadir sahə olan iridodiaqnostika və iridoterapiya problemləri ilə ciddi məşğul olmuş, bu sahəyə dair iki monoqrafiya hazırlamışdır. Bu monoqrafiyalardan "İridodiaqnostikanın əsasları" rəngli illüstrasiyalarla "Azərnəşr" tərəfindən, digər monoqrafiya isə "İridodiaqnostika" adı ilə 1988-ci ildə Moskvada nəşr edilmişdir. Xüsusi qeyd etmək lazımdır ki, dünya miqyasında iridodiaqnostikaya aid kitabları ilk dəfə Zərifə xanım Əliyeva yazmışdır.

Görkəmli alimin elmi fəaliyyətinin əsas istiqamətlərindən biri də peşə oftalmologiyasına həsr edilmişdir.

Alim dünyada ilk dəfə olaraq görmə orqanının peşə patologiyasını araşdıran elmi-tədqiqat laboratoriyası yaratmış və praktiki olaraq elm aləmində yeni bir istiqamətin - "peşə oftalmologiyası"nın əsasını qoymuşdur. Oftalmologiyada peşə xəstəlikləri probleminin öyrənilməsi Zərifə xanım Əliyevanın adı ilə bağlıdır. Oftalmologiyanın sənaye ilə bağlı problemlərinin öyrənilməsinə həsr etdiyi fundamental tədqiqatları alimə böyük şöhrət gətirmiş və onu dünya oftalmologiyası məkanında məşhurlaşdırmışdır.

Zərifə xanım Əliyeva elmdə ilk dəfə olaraq yod və şin sənayesi işçilərinin görmə orqanında yaranan peşə xəstəliklərini öyrənmiş və bu xəstəliklərin profilaktikası tədbirlərini işləyib hazırlamışdır. Onun bu istiqamətdə apardığı elmi-tədqiqat işləri dünya ədəbiyyatında bənzəri olmayan nadir tədqiqatlar sırasındadır. Böyük alim uzun illər respublikanın ondan artıq iri sənaye müəssisələrində genişmiqyaslı elmi-tədqiqat işləri aparmışdır. Göstərilən istiqamətdə apardığı elmi-tədqiqat işlərinin nəticələri alimin "Şin istehsalatında gözün peşə patologiyası", "Xronik yod intoksikasiyası zamanı oftalmologiya" və "Yod sənayesində gözün peşə xəstəliyinin profilaktikası" kimi qiymətli monoqrafiyalarında öz əksini tapmışdır.

Ülvi keyfiyyətlərə malik olan akademik Zərifə xanım Əliyeva öz elmi fəaliyyətində etika və tibbi deontologiya məsələlərinə xüsusi yer vermişdir. O, bu mövzuya dair baxışlarını oftalmoloji ictimaiyyət və praktik həkimlər tərəfindən böyük rəğbətlə qarşılanmış "Həkimin yüksək vəzifəsi" və "Oftalmologiyanın aktual problemləri" monoqrafiyalarında ətraflı işıqlandırmışdır. Zərifə xanım Əliyevanın mənəvi zənginliyi, vəzifə borcuna, tibbi etika və deontologiyaya dair baxışları onun "Həkimin əxlaqi tərbiyəsi, deontologiya, tibbi etika və əxlaq məsələləri" əsərində daha ətraflı şəkildə əks olunmuşdur. Alim həkim və xəstənin qarşılıqlı münasibətlərinin əsas qaydalarını tərtib etmiş, müalicə həkiminin diaqnostika və müalicə prosesində aparıcı rolunu göstərmiş, bütün tibb işçilərinin təkcə təhsilinin deyil, həm də tərbiyəsinin vacibliyini ön plana çəkmişdir. Alim həkim-xəstə münasibətlərinə toxunaraq, insanlar arasında ən incə, yaxın və həssas münasibətlərin məhz həkimlə xəstə arasında olduğunu göstərmiş və "həkim xəstənin ən doğma adamıdır" demişdir. Zərifə xanım ƏIiyevanın tibbi etika və deontologiyaya dair məqalə və əsərləri ilə yaxından tanış olduqda, onun bu sahəyə dair işlərinin daha genişmiqyaslılığı və təkcə səhiyyədə deyil, bütövlükdə cəmiyyətdə insanlar arasında münasibətlərə həsr edildiyi məlum olur.

O, elmi-pedaqoji fəaliyyətində təkcə çoxşaxəli elmi-tədqiqat işləri aparmaqla kifayətlənməmiş, yüksək ixtisaslı gənc alim kadrların yetişdirilməsinə və oftalmoloq-həkimlərin ixtisaslarının artırılması işinə də xüsusi əhəmiyyət vermişdir.

Görkəmli dövlət və elm xadimi, bütün bilik və bacarığını xalqa xidmətə sərf etmiş Əziz Əliyevin ailəsində dünyaya göz açan Zərifə xanım valideynlərinə layiqli bir övlad, məşhur alim, tanınmış həkim, istedadlı insan, sədaqətli ömür yoldaşı və qayğıkeş ana idi.

Zərifə xanım Əliyeva, eyni zamanda müstəqil Azərbaycan dövlətinin memarı və qurucusu, bütün mənalı ömrünü Vətəninin və xalqının tərəqqisinə həsr etmiş dahi şəxsiyyətin - ümummilli lider Heydər Əliyevin vəfalı ömür-gün yoldaşı, sədaqətli dostu və etibarlı silahdaşı olmuşdur. Bütün həyatı boyu ona pənah gətirənlərin gözlərinə şəfa verən Zərifə Əliyevanın alim kimi xidmətlərində bir məqam diqqəti xüsusilə cəlb edir. O, malyariya və traxomaya qarşı fədakarlıqla mübarizə aparan atası Əziz Əliyevin yolunu uğurla davam etdirmiş, oftalmologiya elminə çox böyük töhfələr vermişdir.

Zərifə xanım Əliyevanın fəxri adları, elmi titulları, mükafatları olduqca çoxdur. Bu adların hər biri qürur, iftixar mənbəyidir. Lakin bu adlar sırasında ən şərəflisi Ana adıdır. Qeyri-adi bir ana olan Zərifə xanımın övladlarına münasibəti də xüsusi idi. O, nə edirdisə böyük sevgi ilə edirdi. Onun sevgisinin gücü öz ailəsinin hüdudlarında daha çox duyulurdu.

Çox güclü bir xarakterə malik olan bu nəcib insan hətta ömrünün son günlərini yaşadığını biləndə belə ölümün gözünün içinə dik baxmağı bacarmışdır.
1985-ci il aprel ayının 15-də Moskva şəhərində vəfat edən Zərifə xanım Əliyevanın cənazəsi 1994-cü ildə Moskvanın Novo-Deviçye qəbiristanlığından Bakıya gətirilərək, Fəxri xiyabanda - atasının məzarə yanında dəfn olunmuşdur. Bütün ömrünü insanlara xidmət işinə sərf etmiş bir insanın bu gün aramızda olmamasına inanmaq çox çətindir. Fəqət, görkəmli alimin, xeyirxah insanın, qayğıkeş ananın adının qədirbilən xalqımızın yaddaşında əbədi həkk olunması bu gün hər bir azərbaycanlı üçün təsəlliverici məqamdır.

Bitkoinin qiyməti 12 min dolları ötüb
Bitkoinin qiyməti 12 min dolları ötüb
Avqustun 4-də dolların manata qarşı məzənnəsi
Avqustun 4-də dolların manata qarşı məzənnəsi
Azərbaycanda ilin sonunadək ani ödəniş sistemi istifadəyə veriləcək
Azərbaycanda ilin sonunadək ani ödəniş sistemi istifadəyə veriləcək
Loading Bars
Xəbər lenti
Hikmət Hacıyev: Toy mərasimlərinin bərpası koronavirusun artmasına səbəb ola bilər
Məişət tullantılarının daşınması ilə əlaqədar Bakıda islahatlar aparılır - RƏSMİ
Yaqut Qarayeva: COVİD-19-un mutasiyası barədə fikir söyləmək çox tezdir
İctimai iaşə obyektləri çimərliklərə onlayn çatdırma edə bilər - RƏSMİ
Hikmət Hacıyev: Orta məktəblərin açılması məsələsinə baxılır
Naxçıvan Qarnizonu Qoşunlarında yeni tədris dövrü başlayıb (VİDEO)
Koronavirusdan sağalmış xəstələrin donor kimi qan verməsi könüllü prosesdir
Ülvi Mehdiyev: Eyni anda 100 minə yaxın şəxs çimərliklərdə istirahət edə biləcək
Peyvəndlərlə bağlı hökumətə təkliflər veriləcək - TƏBİB
Vətəndaşlar hansı halda rayonalara gedə bilərlər? - RƏSMİ AÇIQLAMA
Çimərliklərin pandemiya tələblərinə uyğun maksimum tutum sayı müəyyən edilib
Koronavirusa görə iqtisadi və sosial dəstəklə bağlı yeni təkliflər müzakirə edilir
Metro və “Mall”ların açılması koronavirusun artmasına səbəb ola bilər - Hikmət Hacıyev
TƏBİB: Açıq havada kiçik kafelərin işləməsi məsələsi müzakirə ediləcək
Çimərliklərin məişət tullantılarından təmizlənməsi üçün xüsusi adamlar ayrılacaq
Hikmət Hacıyev: BMT-nin xüsusi sessiyası 5-6 ay, hətta bir il davam edə bilər
Çimərliklərdə səsgücləndirici vasitələrlə məlumatlar səsləndiriləcək
Yaqut Qarayeva: Karantin tədbirləri sayəsində xəstəxanalarda aktiv xəstələrin sayı azalıb
Çimərliyə gedərkən hansı qaydalara əməl etmək lazımdır?
Xarici ölkələrlə aviareyslərin artırılması nəzərdə tutulur
Çimərliklərin iş qrafiki müəyyənləşib - RƏSMİ
Çinin Uhan şəhərindən olan həkimlər Azərbaycana gələcək
Ülvi Mehdiyev: Çimərliklərə getmək üçün xüsusi icazəyə ehtiyac yoxdur
Hikmət Hacıyev: Dünyada vaksinlərin tapılması məsələsi diqqət mərkəzində saxlanılır
Ülvi Mehdiyev: Bu günədək 30 milyon SMS icazə yoxlanılıb
İtaliyalı mütəxəssislər koronavirusla mübarizə çərçivəsində Azərbaycana gəlib
Regionlara gediş-gəlişin açılması məsələsi müzakirə olunur
Zərdabda narkotik tərkibli bitkilər becərən şəxs saxlanılıb (FOTO/VİDEO)
Hikmət Hacıyev: Cənub-Şərqi Asiya ölkələrində artıq 3-cü dalğa müşahidə olunur
Operativ Qərargah karantin rejimində yumşalmaların tətbiqi ilə bağlı brifinq keçirib
Azərbaycanda daha 241 nəfər koronavirusa yoluxdu, 647 nəfər sağaldı, 6 nəfər öldü
Azərbaycan və Türkiyənin parlament sədrləri arasında telefon danışığı olub
Şəki və Siyəzən siyahıdan çıxarılır, Salyanda isə sərtləşdirilmiş xüsusi karantin rejimi tətbiq olunacaq
Hikmət Hacıyev Dağlıq Qarabağ bölgəsinin azərbaycanlı icmasının üzvləri ilə görüşüb
Ölkə üzrə qüvvədə olan məhdudiyyətlər - SİYAHI
Abşeronda karantin qaydalarını pozan restoran sahibi və müştərilər saxlanılıb (FOTO/VİDEO)
Xüsusi karantin rejimi olan rayonlarda həftəsonu ictimai nəqliyyatın hərəkətinin məhdudlaşdırılması davam edəcək
13 şəhər və rayonda qüvvədə olan məhdudiyyətlər - SİYAHI
Çimərliklərin fəaliyyətinə icazə verilir
Avqustun 5-dən SMS icazə ləğv olunur
Operativ Qərargah karantin rejiminin yumşaldılması ilə bağlı QƏRAR verdi
İmişlidəki göllərdən Baş Muğan kanalına su vurulmasına başlanılıb
Keçmiş qadın məhkum oğurluq etdiyinə görə saxlanıldı
Serbiya parlamentinin qarşısında etiraz aksiyası keçirilib
Ermənistan tərəfindən Azərbaycan Müdafiə Nazirliyinin adına saxta "Twitter" hesabı açılıb
Gürcüstandan gələn yük maşınlarında dərman preparatları aşkarlandı (FOTO)
“Trabzonspor”a yeni baş məşqçi təyin edilib
Ermənistanda diaspor siyasətinə məsul şəxslərin vəzifədən azad olunmaları təsadüfü deyil - Deputat
Rusiyada quş qripi infeksiyası aşkar edilib
“EduHack” hakatonu yekunlaşdı: Distant təhsil problemlərinə qarşı 18 innovativ təqdimat (FOTO)
İtaliya Azərbaycana tibbi missiya göndərir
Siyəzəndə karantini pozanlar cərimələnib (FOTO)
İranda koronavirusa yoluxanların sayı 310 mini keçib
BNA-dan xəbərdarlıq: Karantin qaydalarını pozan daşıyıcılar barədə hüquq mühafizə orqanlarına müraciət olunacaq (FOTO)
DİM: Rayondan Bakıya gələn imtahan iştirakçısını 1 nəfərin müşayiət etməsinə də icazə verilir
Gəncədə 38 yaşlı kişi meyiti tapılıb
Sabiq Roma papası ağır xəstələnib
Sabah Bakıda 29, rayonlarda 34 dərəcə isti olacaq
Rusiyada daha 5 min nəfər koronavirusa yoluxub
Bu abituriyentlər yenidən imtahan verəcəklər
Belarusa Azərbaycan neftini daşıyan növbəti tanker Supsa limanından yola düşüb
Zaqatalaya leysan yağıb, iki kənd susuz qalıb
Ehsan Zahidov: Fuad Qəhrəmanlı ad və soyadlı şəxs ümumiyyətlə qeyd olunan İdarəyə gətirilməyib
688 hərəkət iştirakçısı inzibati məsuliyyətə cəlb edilib
Milli Məclisin növbəti iclasının gündəliyi məlum oldu
Azərbaycanın Los Ancelesdəki Baş Konsulluğu UFC prezidentinə etiraz məktubu göndərib
Azərbaycanın təmizlənmiş fındıq ixracı artır
Xızıda poçtdan oğurluq edən şəxs tutuldu (FOTO)
Ötən gün yol qəzalarında 2 nəfər ölüb
Melburnda karantin rejimi sərtləşdirilir
Polis ictimai nəqliyyatda nəzarət tədbirlərini davam etdirir (FOTO)
Bu il müəllimlərin işə qəbulu müsabiqəsində 46 mindən çox namizəd iştirak edəcək
Çaylarda sululuq artıb
Bir neçə çaydan sel keçib - Faktiki hava
Göygöldə silsilə oğurluq edən şəxslər saxlanılıb (FOTO)
"Microsoft" "TikTok"u satın almaq niyyətindədir
AZAL İstanbul istiqamətində reyslərin sayını yenidən artırır
İlanların təhlükəsindən qorunmaq üçün TƏKLİF: Serpentoloqlardan ibarət qurum yaradılsın
Oğuzda narkotik becərən qohumlar polisə atəş açıb (FOTO)
İstixanalar, soyuducu anbarlar və taxıl elevatorları elektron qeydiyyatdan keçəcək
Heydər Əliyev Fondu 100 mindən çox aztəminatlı ailəyə qurban payı çatdırdı (FOTO)
Arif Məlikovun “Noktürn”ü Los-Anceles festivalında səsləndirilib (FOTO)
Ermənistanda orduya muzdlular cəlb edilir, Azərbaycanda isə minlərlə gənc könüllü olaraq ordu sıralarına yazılır - Ekspert
Müdafiə Nazirliyi cəbhədəki son vəziyyətlə bağlı məlumat yaydı
Cənubi Koreyada güclü yağışlar 6 nəfərin ölümünə səbəb oldu
Bakıda iki sərnişin avtobusu toqquşub, xəsarət alan var (FOTO)
Qazaxıstanda koronavirusa yoluxanların sayı 92 min nəfəri ötüb
Ermənistan ilə Faşist Almaniyası arasında oxşarlıqlar nədir? (VİDEO)
Dünyada 18 milyondan artıq insan koronavirusa yoluxub
Hemilton "Formula-1" üzrə Böyük Britaniya Qran Prisinin qalibi oldu
Kolumbiyada koronavirusa rekord sayda yoluxma halı qeydə alınıb
Tramp Şimali Karolinada fövqəladə vəziyyət rejimi elan edib
ABŞ və Rusiya yaxın zamanda terrorizmlə mübarizəni müzakirə edə bilərlər
İsrail Qəzza zolağında HƏMAS-ın mövqelərinə zərbələr endirib
Moskvada koronavirusdan ölənlərin sayı 4 498 nəfərə çatıb
Misirdə mikroavtobus kanala aşıb, ölənlər var
Qırğızıstanda daha 420 nəfər koronavirusa yoluxub, 12 nəfər ölüb
"Crew Dragon" Meksika körfəzində suya eniş edib
"Open Azerbaijan" Beynəlxalq Virtual Kata turnirinin qalibləri müəyyənləşib
ÜST: Dünyada koronavirusa yoluxanların sayı 262 mindən çox artıb
Bütün xəbərlər