Azərbaycan, Bakı, 14 sentyabr /Trend/
ABŞ Dövlət Departamentinin sentyabrın 13-də açıqladığı "Dini etiqad azadlığı" ilə bağlı 2010-cu ilin iyul-dekabr aylarını əhatə edən yarımillik hesabatı Azərbaycanın Dini Qurumlarla İş üzrə Dövlət Komitəsi tərəfindən araşdırılır. Trend-in məlumatına görə, bunu çərşənbə günü Dövlət Komitəsinin mətbuat katibi Saleh Aslanov açıqlayıb.
O qeyd edib ki, hesabatın rəsmi variantı Dini Qurumlarla İş üzrə Dövlət Komitəsinə daxil olmayıb. "Ancaq qeyri-rəsmi olsa da, hesabatın elektron informasiya bazasında yerləşdirilmiş variantı tərəfimizdən öyrənilir", - o qeyd edib.
ABŞ Dövlət Departamentinin sentyabrın 13-də açıqladığı "Dini etiqad azadlığı" ilə bağlı 2010-cu ilin iyul-dekabr aylarını əhatə edən yarımillik hesabatında Azərbaycanla bağlı məsələlər də öz əksini tapıb.